திருப்பூர் மாவட்டத்தில் மேலும் 68 பேருக்கு கொரோனா
திருப்பூர் மாவட்டத்தில் மேலும் 68 பேருக்கு கொரோனா
திருப்பூர்,
திருப்பூர் மாவட்டத்தில் மேலும் 68 பேருக்கு கொரோனா தொற்று உறுதி செய்யப்பட்டது. இதுபோல் சிகிச்சை பலனின்றி ஒருவர் பலியானார்.
68 பேருக்கு கொரோனா
தமிழகத்தில் கொரோனா தடுப்பு மற்றும் முன்னெச்சரிக்கை நடவடிக்கைகள் தீவிரப்படுத்தப்பட்டு வருகிறது. இதன் ஒரு பகுதியாக தொற்றும் குறைந்து வருகிறது. பாதிப்பு அதிகம் உள்ள மாவட்டங்களில் மட்டும் சில கட்டுப்பாடுகள் விதிக்கப்பட்டுள்ளது.
மற்ற மாவட்டங்களில் தளர்வுகள் வழங்கப்பட்டுள்ளது. இந்நிலையில் தமிழகத்தில் நேற்று ஒரே நாளில் 1,009 பேருக்கு கொரோனா தொற்று உறுதி செய்யப்பட்டது. திருப்பூர் மாவட்டத்தில் 68 பேர் தொற்றால் பாதிக்கப்பட்டனர்.
ஒருவர் பலி
இதனால் மாவட்டத்தில் கொரோனாவால் பாதிக்கப்பட்டவர்களின் எண்ணிக்கை 95 ஆயிரத்து 405-ஆக உள்ளது. இதுபோல் கொரோனாவுக்கு சிகிச்சை பெற்று வந்த 53 பேர் குணமடைந்தனர்.
இதனால் குணமடைந்தவர்களின் எண்ணிக்கை 93 ஆயிரத்து 683-ஆக உள்ளது. மாவட்டம் முழுவதும் கொரோனாவால் பாதிக்கப்பட்ட 743 பேர் சிகிச்சை பெற்று வருகிறார்கள். இதற்கிடையே கொரோனாவுக்கு ஒருவர் நேற்று பலியானார். இதனால் பலி எண்ணிக்கை 979-ஆக உள்ளது. தற்போது தீபாவளி பண்டிகை நெருங்கிய நிலையில் பொதுமக்கள் அரசு வழிமுறைகளை பின்பற்ற வேண்டும். அரசுக்கு ஒத்துழைப்பு வழங்க வேண்டும் என சுகாதாரத்துறை அதிகாரிகள் வலியுறுத்தியுள்ளனர்.