விழுப்புரம் அரசு போக்குவரத்துக்கழகம் சார்பில் சிறப்பு பஸ்கள்

விழுப்புரம், 

தீபாவளி பண்டிகையை முன்னிட்டு தமிழ்நாடு அரசு போக்குவரத்துக்கழகம் (விழுப்புரம்) சார்பில் வருகிற 1-ந் தேதி முதல் 3-ந் தேதி வரை 1,650 சிறப்பு பஸ்களை இயக்குவதற்கான ஏற்பாடுகளை செய்துள்ளது.

அதன்படி விழுப்புரம் அரசு போக்குவரத்துக்கழகம் சார்பில் தாம்பரம் ரெயில் நிலைய பஸ் நிறுத்தத்தில் இருந்து திண்டிவனம் வழியாக திருவண்ணாமலை, செஞ்சிக்கும், மதுராந்தகம், திண்டிவனம் வழியாக வந்தவாசி, சேத்துப்பட்டு, போளூர், புதுச்சேரி, கடலூர், சிதம்பரம் ஆகிய இடங்களுக்கும், விக்கிரவாண்டி, பண்ருட்டி வழியாக நெய்வேலி டவுன்ஷிப், சிதம்பரம், வடலூர், காட்டுமன்னார்கோவில் ஆகிய இடங்களுக்கும், தாம்பரம் சானிடோரியம் அறிஞர் அண்ணா பஸ் நிலையத்தில் இருந்து விக்கிரவாண்டி, பண்ருட்டி வழியாக கும்பகோணம், தஞ்சாவூர் ஆகிய இடங்களுக்கும், கே.கே.நகர் மாநகர பஸ் நிலையத்தில் இருந்து கிழக்கு கடற்கரை சாலை வழியாக புதுச்சேரி, கடலூர், சிதம்பரம் ஆகிய இடங்களுக்கும் சிறப்பு பஸ்கள் இயக்கப்படுகிறது.

மேலும் மாதவரம் பஸ் நிலையத்தில் இருந்து செங்குன்றம் வழியாக காளஹஸ்தி, திருப்பதி, நெல்லூர், பொன்னேரி, ஊத்துக்கோட்டை, கும்மிடிப்பூண்டி ஆகிய இடங்களுக்கும், பூந்தமல்லி பஸ் நிலையத்தில் இருந்து திருத்தணி வழியாக காஞ்சீபுரம், செய்யாறு, ஆற்காடு, ஆரணி, வேலூர், சித்தூர், குடியாத்தம், திருப்பத்தூர், ஓசூர், தர்மபுரி, கிருஷ்ணகிரி, திருப்பதி ஆகிய இடங்களுக்கும், கோயம்பேடு டாக்டர் எம்.ஜி.ஆர். பஸ் நிலையத்தில் இருந்து திண்டிவனம், விழுப்புரம், கள்ளக்குறிச்சி, விருத்தாசலம், திருக்கோவிலூர், திட்டக்குடி, திருச்சி, சேலம், மயிலாடுதுறை ஆகிய இடங்களுக்கும் சிறப்பு பஸ்கள் இயக்கப்பட உள்ளது.

இந்த தகவல் விழுப்புரம் அரசு போக்குவரத்துக்கழகம் வெளியிட்டுள்ள செய்திக்குறிப்பில் கூறப்பட்டுள்ளது.