கோவில் திருவிழாவில் தகராறு

கம்பம்: 

கம்பம் அருகே உள்ள அண்ணாபுரத்தில் கருப்பசாமி கோவில் திருவிழா கடந்த 15-ந் தேதி நடைபெற்றது. திருவிழாவையொட்டி ஒலிப்பெருக்கி மூலம் பாடல்கள் ஒலிக்கப்பட்டது. அப்போது அதே பகுதியை சேர்ந்த சச்சின், கவுசிகன், ஈஸ்வரன் ஆகியோர் அங்கு வந்தனர். அவர்கள் திரைப்பட பாடல்களை போடும்படி ஆப்ரேட்டர் முருகனிடம் தகராறு செய்தனர். இதை பார்த்த அதே பகுதியை சேர்ந்த டிராக்டர் டிரைவரான மதன் (வயது 33) என்பவர் பக்தி பாடல்கள் மட்டும் தான் போட முடியும் என்று கூறினார். இதனால் ஆத்திரமடைந்த அவர்கள் மதனை தாக்கினர். அதில் அவருக்கு லேசான காயம் ஏற்பட்டது. இதுகுறித்து கம்பம் வடக்கு போலீஸ்நிலையத்தில் மதன் புகார் கொடுத்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.