மது அருந்த பணம் தேவைப்பட்டதால் மொபட் திருடிய 12 வயது சிறுவர்கள் கைது

அன்னதானப்பட்டி:

தாதகாப்பட்டியில் மது அருந்த பணம் தேவைப்பட்டதால் மொபட் திருடிய 2 சிறுவர்களை போலீசார் கைது செய்தனர்.

சேலம் தாதகாப்பட்டி சீரங்கன் தெருவை சேர்ந்தவர் செல்வராஜ். (வயது 62). கடந்த 11-ந் தேதி இவர் தனது வீட்டின் முன்பு மொபட்டை நிறுத்தி இருந்தார். அதை மர்ம நபர்கள் திருடிச்சென்று விட்டனர். 

இது குறித்து அவர் கொடுத்த புகாரின் பேரில் அன்னதானப்பட்டி போலீசார் வழக்குப்பதிவு செய்து விசாரணை நடத்தி வந்தனர். இதில் அன்னதானப்பட்டி மணியனூர் காத்தாயம்மாள் நகர் பகுதியைச் சேர்ந்த 12 வயதுடைய 2 சிறுவர்கள் மொபட்டை திருடியது விசாரணையில் தெரியவந்தது. 

இதையடுத்து அவர்கள் 2 பேரையும் போலீசார் கைது செய்து மொபட்டை மீட்டனர். மது அருந்த பணம் தேவைப்பட்டதால் அந்த 2 சிறுவர்களும் மொபட் திருடியதாக போலீசாரிடம் வாக்குமூலம் அளித்துள்ளனர்.