தர்மபுரி மாவட்டத்தில் கொரோனாவுக்கு 3 பேர் பலி

தர்மபுரி:

தர்மபுரி மாவட்டத்தில் கொரோனாவுக்கு பெண் உள்பட 3 பேர் பலியாகினர்.

தர்மபுரி மாவட்டத்தில் கொரோனா தொற்றால் பாதிக்கப்படுவோரின் எண்ணிக்கை சற்று அதிகரித்துள்ளது. இதனிடையே மாவட்டத்தில் நேற்று கொரோனாவுக்கு 3 பேர் பலியாகினர். மேலும் 27 பேருக்கு கொரோனா தொற்று கண்டறியப்பட்டது. தர்மபுரி மாவட்டத்தில் ஏற்கனவே 391பேர் கொரோனா பாதிப்பு காரணமாக சிகிச்சை பெற்று வந்தனர். இவர்களில் 28 பேர் நேற்று குணமடைந்து வீடு திரும்பினார்கள். 

இதன்படி தர்மபுரி மாவட்டத்தில் தற்போது கொரோனா தொற்று பாதிப்பால் சிகிச்சை பெறுவோரின் மொத்த எண்ணிக்கை 387 ஆகும். தர்மபுரி மாவட்டத்தில் இதுவரை மொத்தம் 268 பேர் கொரோனா தொற்று பாதிப்பு காரணமாக உயிரிழந்துள்ளனர். மாவட்டத்தில் இதுவரை கொரோனா தொற்றால் பாதிக்கப்பட்டவர்களின் மொத்த எண்ணிக்கை 27,939 ஆகும்.