வேப்பூர் அரசு மகளிர் கல்லூரியில் உள்ளிருப்பு போராட்டம்

பெரம்பலூர் மாவட்டம், குன்னம் தாலுகா, வேப்பூரில் உள்ள அரசு மகளிர் கலைக்கல்லூரியில் பணியாற்றும் பேராசிரியர்கள், விரிவுரையாளர்கள் மற்றும் ஊழியர்களுக்கு கடந்த 3 மாதமாக வழங்கப்படாமல் உள்ள சம்பள பாக்கியை வழங்கக்கோரி ஆங்கில பேராசிரியை கலைவாணி தலைமையில் நேற்று காலை கல்லூரி முகப்பு வாயில் முன்பு உள்ளிருப்பு போராட்டம் நடைபெற்றது. இந்த போராட்டம் மாலை 5 மணி வரை நீடித்தது. இதில், பேராசிரியர்கள், விரிவுரையாளர்கள் மற்றும் ஊழியர்கள் கலந்து கொண்டனர்.