கோவையில் 235 பேருக்கு கொரோனா பாதிப்பு

கோவை

கோவையில் புதிதாக 235 பேருக்கு நேற்று கொரோனா தொற்று உறுதி செய்யப்பட்டு உள்ளது. இதனைத் தொடர்ந்து மாவட்டத்தில் கொரோனாவால் பாதிக்கப்பட்டவர்களின் எண்ணிக்கை 2 லட்சத்து 40 ஆயிரத்து 915 ஆக உயர்ந்துள்ளது. ஈரோடு மாவட்ட அரசு தலைமை மருத்துவமனையில் சிகிச்சைப் பெற்று வந்த கோவையை சேர்ந்த 88 வயது முதியவர் சிகிச்சைப் பலனின்றி உயிரிழந்தார்.

 இதன் மூலம் கோவையில் கொரோனா தொற்றுக்கு பலியானவர்களின் எண்ணிக்கை 2 ஆயிரத்து 320 ஆக உயர்ந்து உள்ளது. தவிர அரசு மருத்துவமனைகள், தனியார் மருத்துவமனைகள், கொரோனா சிகிச்சை மையங்களில் சிகிச்சைப் பெற்று வந்த 237 பேர் குணமடைந்து நேற்று வீடு திரும்பினர்.

 கோவையில் இதுவரை 2 லட்சத்து 36 ஆயிரத்து 430 பேர் கொரோனாவில் இருந்து குணமடைந்துள்ளனர். தற்போது 2,165 பேர் சிகிச்சையில் உள்ளனர்.