தூத்துக்குடி மாவட்டத்தில் மதுவிற்ற 16 பேர் கைது

தூத்துக்குடி மாவட்டத்தில் அனுமதியின்றி மது விற்பனை செய்யப்படுகிறதா என்று போலீசார் தீவிர கண்காணிப்பு பணியில் ஈடுபட்டு இருந்தனர். அப்போது, மாவட்டம் முழுவதும் 13 போலீஸ் நிலையங்களுக்கு உட்பட்ட பகுதிகளில் சட்டவிரோதமாக மது பாட்டில்கள் விற்பனை செய்த 16 பேரை போலீசார் கைது செய்தனர். அவர்களிடம் இருந்து 80 மதுபாட்டில்கள் மற்றும் ரூ.900 ரொக்கப் பணமும் பறிமுதல் செய்யப்பட்டன.

இது குறித்து சம்பந்தப்பட்ட போலீசார் வழக்குப்பதிவு செய்து விசாரணை நடத்தி வருகின்றனர்.