மோட்டார் சைக்கிள் கவிழ்ந்து முதியவர் பலி

ஏர்வாடி:

நெல்லை தச்சநல்லூர் பகுதியைச் சேர்ந்தவர் அழகியநம்பி (வயது 58). இவர் சம்பவத்தன்று தனது மகள் திருமண அழைப்பிதழ் கொடுப்பதற்காக திருக்குறுங்குடி அருகே உள்ள மலையடிபுதூருக்கு மோட்டார் சைக்கிளில் சென்றார். மலையடிபுதூர் அருகே சென்ற போது திடீர் என மோட்டார் சைக்கிள் நிலைதடுமாறி சாலையில் கவிழ்ந்து விபத்துக்குள்ளானது. இதில் அழகியநம்பி படுகாயமடைந்தார். 

அக்கம்பக்கத்தினர் அவரை மீட்டு சிகிச்சைக்காக நாங்குநேரி அரசு ஆஸ்பத்திரிக்கு கொண்டு சென்றனர். அவரை பரிசோதனை செய்த டாக்டர்கள், அழகியநம்பி ஏற்கனவே இறந்து விட்டதாக தெரிவித்தனர். இதுகுறித்து திருக்குறுங்குடி போலீசில் புகார் செய்யப்பட்டது. சப்-இன்ஸ்பெக்டர் ராஜேந்திரன் வழக்கு பதிவு செய்து விசாரணை நடத்தி வருகிறார்.