தூத்துக்குடி மாவட்டத்தில் மது விற்ற 11 பேர் கைது

தூத்துக்குடி மாவட்ட போலீஸ் சூப்பிரண்டு ஜெயக்குமார் உத்தரவின் பேரில், மாவட்டம் முழுவதும் போலீசார் கண்காணிப்பு பணியில் ஈடுபட்டனர். அப்போது பல்வேறு போலீஸ் நிலையங்களுக்கு உட்பட்ட பகுதியில் மது பாட்டில்கள் விற்பனை செய்த 11 பேரை போலீசார் கைது செய்தனர். அவர்களிடம் இருந்து 73 மதுபாட்டில்கள் மற்றும் ஒரு மோட்டார் சைக்கிள் பறிமுதல் செய்யப்பட்டது. இதுகுறித்து சம்பந்தப்பட்ட போலீசார் வழக்குப்பதிவு செய்து விசாரணை நடத்தி வருகின்றனர்.