சித்தோடு போலீஸ் நிலையத்தில் பாதுகாப்பு கேட்டு காதல் ஜோடி தஞ்சம்

அந்தியூர்

ஈரோடு ஆர்.என்.புதூரை சேர்ந்தவர் ஞானசேகரன் (வயது 28). இதேபோல் அதே பகுதியை சேர்ந்தவர் கனிமொழி (23). இவர்கள் 2 பேரும் ஈரோட்டில் உள்ள தனியார் ஆஸ்பத்திரியில் வேலை செய்து வருகிறார்கள். கடந்த 8 ஆண்டுகளாக 2 பேரும் காதலித்து வந்தனர். இவர்களுடைய காதலுக்கு 2 பேரின் பெற்றோரும் கடும் எதிர்ப்பு தெரிவித்து உள்ளனர். இதனால் 2 பேரும் வீட்டை விட்டு வெளியேறி கொடுமுடியில் உள்ள ஒரு கோவிலில் திருமணம் செய்து கொண்டனர். பின்னர் அவர்கள் 2 பேரும் தங்களுக்கு பாதுகாப்பு அளிக்க வேண்டும் என கோரி சித்தோடு போலீஸ் நிலையத்தில் தஞ்சம் அடைந்தனர். இதைத்தொடர்ந்து 2 பேரின் பெற்றோர்களையும் போலீசார் சமாதான பேச்சுவார்த்தைக்கு அழைத்தனர். ஆனால் அவர்கள் வரவில்லை. இதையடுத்து காதல் ஜோடியை ஞானசேகரின் உறவினர்களுடன் போலீசார் அனுப்பி வைத்தனர்.