வீட்டின் மேற்கூரையை உடைத்து நகை, பணம் திருட்டு

அரக்கோணம்

அரக்கோணம் அருகே கைலாசபுரம் கிராமத்தை சேர்ந்தவர் வள்ளி (வயது 36). இவர் நேற்று அருகில் உள்ள வேடல் கிராமத்தில் இருக்கும் மகளின் வீட்டிற்கு சென்றார்.

 பின்னர் திரும்பி வந்து வீட்டின் கதவை திறந்து உள்ளே சென்று பார்த்தபோது பீரோ உடைக்கப்பட்டு இருப்பதை கண்டு அதிர்ச்சியடைந்தார். 

இதுகுறித்து அவர் அரக்கோணம் தாலுகா போலீசில் புகார் அளித்தார். 

சம்பவ இடத்திற்கு போலீசார் வந்து சோதனை செய்தபோது வீட்டின் மேல்கூரை பகுதியில் உள்ள ஜன்னலை உடைத்து மர்மநபர்கள் உள்ளே சென்று பீரோவை உடைத்து 2 பவுன் நகை மற்றும் ரூ.20 ஆயிரம் திருடி சென்றது தெரிய வந்தது.

இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.