திருமக்கோட்டையில் பலத்த காற்றுடன் கனமழை
திருமக்கோட்டையில் பலத்த காற்றுடன் கனமழை பெய்தது. இதனால் பொதுமக்களின் இயல்பு வாழ்க்கை பாதிக்கப்பட்டது.
திருமக்கோட்டை:
திருமக்கோட்டையில் பலத்த காற்றுடன் கனமழை பெய்தது. இதனால் பொதுமக்களின் இயல்பு வாழ்க்கை பாதிக்கப்பட்டது.
திருமக்கோட்டை
திருமக்கோட்டையில் கடந்த 4 நாட்களாக பலத்த மழை பெய்து வருகிறது. இந்தநிலையில் நேற்று பலத்த காற்றுடன் கூடிய கனமழை பெய்தது. இந்த மழை 4 மணிநேரம் நீடித்தது. இதனால் கடை வீதிகளில் மழைநீர் வெள்ளம் போல் பெருக்கெடுத்து ஓடியது. மேலும் வயல்களில் குளம் போல் மழை நீர் தேங்கி நின்றது. இதனால் பொதுமக்களின் இயல்பு வாழ்க்கை பாதித்தது.
கூத்தாநல்லூர்
கூத்தாநல்லூர், வடபாதிமங்கலம், லெட்சுமாங்குடி, பொதக்குடி, பூதமங்கலம், தண்ணீர்குன்னம், ஓவர்ச்சேரி, குடிதாங்கிச்சேரி, குலமாணிக்கம், ராமநாதபுரம், வேளுக்குடி, நாகங்குடி, பண்டுதக்குடி, பழையனூர், சித்தனங்குடி, திருராமேஸ்வரம், கோரையாறு, விழல்கோட்டகம், அதங்குடி, வெள்ளக்குடி, வாழச்சேரி, மரக்கடை மற்றும் அதனை சுற்றியுள்ள பகுதிகளில் நேற்று மாலை 6.30 மணிக்கு பலத்த மழை பெய்தது. இதனால் தாழ்வான பகுதிகளிலும், வயல்களிலும், சாலைகளிலும் மழை தண்ணீர் தேங்கி நின்றது. கூத்தாநல்லூர் பகுதிகளில் தொடர்ந்து மழை பெய்து வருவதால் குறுவை சாகுபடி செய்துள்ள விவசாயிகள் மகிழ்ச்சி அடைந்தனர்.