தீக்குளித்து ஆட்டோ டிரைவர் தற்கொலை

அலங்காநல்லூர்

அலங்காநல்லூர் அருகே அழகாபுரியை சேர்ந்தவர் அழகர். இவரது மகன் அஜித்குமார் (வயது 24). ஆட்டோ டிரைவர். இந்தநிலையில் நேற்று முன்தினம் இரவு 12 மணிக்கு அலங்காநல்லூர் பஸ் நிலையத்திற்கு வந்தார். அஜித்குமார் தான் கையில் கேனில் கொண்டு வந்திருந்த 2 லிட்டர் பெட்ரோலை எடுத்து உடலில் ஊற்றி தீக்குளித்தார். பலத்த தீக்காயத்துடன் அவரை மதுரை அரசு மருத்துவமனைக்கு அனுப்பி வைக்கப்பட்டது. அங்கு சிகிச்சை பலனின்றி நேற்று காலை அஜித்குமார் இறந்தார். இச்சம்பவம் தொடர்பாக அலங்காநல்லூர் போலீசார் வழக்கு பதிவு செய்து எதற்காக அவர் தீக்குளித்து தற்கொலை செய்து கொண்டார் குடும்ப பிரச்சினையா? அல்லது வேறு எதுவும் காரணம் உள்ளதா? என்று போலீசார் விசாரணை நடத்தி வருகின்றனர்.