பெண்ணை கொன்று கால்வாயில் உடல் வீச்சு

மைசூரு: டி.நரசிப்புரா அருகே பெண்ணை கொான்று கால்வாயில் உடலை வீசி சென்ற மர்மநபர்களை போலீசார் வலைவீசி தேடி வருகிறார்கள். 

மைசூரு மாவட்டம் டி.நரசிப்புரா தாலுகா மூகூரு அருகே ஒசஹள்ளி கிராமத்ைத சேர்ந்தவர் பாக்யலட்சுமி (வயது 35). இவர் கடந்த சில தினங்களுக்கு முன்பு வெளியே சென்றார். ஆனால் நீண்ட நேரம் ஆகியும் பாக்யலட்சுமி வீட்டுக்கு திரும்பி வரவில்லை. இதனால் அதிர்ச்சி அடைந்த அவருடைய குடும்பத்தினர் அவரை பல இடங்களில் தேடி பார்த்தனர். 

எங்கு தேடியும் அவர் கிடைக்கவில்லை. பாக்யலட்சுமியின் செல்போனுக்கு தொடர்பு கொண்டபோதும், அது சுவிட்ச்-ஆப் செய்யப்பட்டிருந்தது. இதனால் அவருடைய குடுமபத்தினர், டி.நரசிப்புரா புறநகர் போலீசில் புகார் கொடுத்தனா். அதன்பேரில் போலீசாரும் பாக்யலட்சுமியை தேடி வந்தனர். 

இந்த நிலையில் நேற்று முன்தினம் ஒசஹள்ளி கிராமத்தில் ஓடும் கால்வாயில் சாக்கு மூட்டை ஒன்று கிடந்தது. அந்த சாக்கு மூட்டையில் இருந்து துர்நாற்றம் வீசியது. இதனால் அதிர்ச்சி அடைந்த அந்தப்பகுதி மக்கள், இதுகுறித்து டி.நரசிப்புரா புறநகர் போலீசாருக்கு தகவல் கொடுத்தனர். அதன்பேரில் போலீசார் சம்பவ இடத்துக்கு விரைந்து வந்து பார்வையிட்டனர். பின்னர் போலீசார், சாக்கு மூட்டையை எடுத்து பார்த்தனர். 

அப்போது அந்த சாக்குமூட்டையில் பெண் ஒருவர் கொலை செய்யப்பட்ட நிலையில் இருந்தார். இதுகுறித்து போலீசார் நடத்திய விசாரணையில், சாக்குமூட்டையில் பிணமாக இருந்தவர் மாயமான பாக்யலட்சுமி என்பது தெரியவந்தது. இதையடுத்து போலீசார் அவருடைய உடலை பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். 

இதுகுறித்து போலீசார் நடத்திய விசாரணையில், கடந்த சில தினங்களுக்கு முன்பு வெளியே சென்ற பாக்யலட்சுமியை மர்மநபர்கள் கழுத்தை அறுத்து கொலை செய்து உடலை சாக்குமூட்டையில் கட்டி கால்வாயில் வீசியது ெதரியவந்தது. மேலும் அவர் கற்பழிப்பு முயற்சியில் கொலை செய்யப்பட்டிருக்கலாம் என்றும் போலீசார் சந்தேகிக்கிறார்கள். 

அவரை கொலை செய்த மர்மநபர்கள் யார்? எதற்காக அவரை கொன்று உடலை சாக்குமூட்டையில் கட்டி கால்வாயில் வீசினர்? என்பது தெரியவில்லை. இதுகுறித்து டி.நரசிப்புரா புறநகர் போலீசார் வழக்குப்பதிவு செய்து மர்மநபர்களை வலைவீசி தேடி வருகிறார்கள்.