கல்லூரி பெண் ஊழியருக்கு கொரோனா

முசிறி அறிஞர் அண்ணா அரசு கல்லூரியில் பணிபுரியும் அலுவலக பெண் ஊழியர் ஒருவருக்கு கொரோனா தொற்று உறுதி செய்யப்பட்டுள்ளது. இதன் காரணமாக கல்லூரி ஆசிரியர்கள் மற்றும் ஆசிரியர் அல்லாத பணியாளர்கள் இன்று (வெள்ளிக்கிழமை), நாளை(சனிக்கிழமை) ஆகிய 2 நாட்களுக்கு கல்லூரிக்கு வர வேண்டாம். மேலும் முதலாமாண்டு மாணவ-மாணவிகள் சேர்க்கை குழுவின் தீர்மானத்தின்படி மாற்றி அமைக்கப்பட்டுள்ளது. இதுகுறித்து துறை சார்ந்த ஆசிரியர்கள் துறைத் தலைவரிடம் தகவல்களை பெற்று அனைத்து மாணவ-மாணவிகளுக்கும் உடனடியாக செல்போன் மூலம் தகவல் தெரிவிக்கும்படி கேட்டுக் கொள்ளப்படுகிறார்கள். மேற்கண்ட தகவலை கல்லூரி முதல்வர் ராஜ்குமார் ெதரிவித்துள்ளார்.