இருசக்கர வாகனத்தில் இருந்து தவறி விழுந்த தொழிலாளி பலி

அருப்புக்கோட்டை,

அருப்புக்கோட்டை பாளையம்பட்டி தீர்த்தக்கரைநகர் பகுதியை சேர்ந்தவர் காளிமுத்து (வயது 45). கட்டிட தொழிலாளி. இவர் தனது தந்தை வசிக்கும் ஊரான செந்நெல்குடிக்கு தனது இருசக்கரவாகனத்தில் சென்று கொண்டிருந்தார். அப்போது விருதுநகர் சாலையில் சென்று கொண்டிருக்கும் போது திடீரென சாலையின் குறுக்கே காட்டுப்பன்றிகள் காளிமுத்து ஓட்டிச்சென்ற வாகனத்தின்மீது பலமாக மோதியதாகவும், இதில் நிலைதடுமாறி  அவர் கீழேவிழுந்ததாகவும் கூறப்படுகிறது. உடனே அவரை அக்கம்பக்கத்தினர் மீட்டு சிகிச்சைக்காக அருப்புக்கோட்டை அரசு மருத்துவமனையில் சேர்த்தனர். அங்கு சிகிச்சை பலனின்றி காளிமுத்து உயிரிழந்தார். இதுகுறித்து டவுன் போலீசார் வழக்குபதிவு செய்து விசாரணை மேற்கொண்டுவருகின்றனர்.