மாவட்டத்தில் கொரோனாவுக்கு மேலும் 3 பேர் பலி

புதுக்கோட்டை மாவட்டத்தில் கொரோனா தொற்று பரவலாக இருந்து வருகிறது. தினமும் சராசரியாக 25 முதல் 30 எண்ணிக்கை வரை தொற்று உறுதியாகி வருகிறது. அதேபோல டிஸ்சார்ஜ் எண்ணிக்கையும் உள்ளது. கடந்த சில நாட்களாக இறப்பு எண்ணிக்கை இல்லாமல் இருந்தது. இந்த நிலையில் நேற்று மாவட்டத்தில் புதிதாக 25 பேருக்கு கொரோனா தொற்று உறுதியாகி இருந்தது. 

இதனால் மாவட்டத்தில் கொரோனா பாதித்தவர்களின் எண்ணிக்கை 28 ஆயிரத்து 844 ஆக அதிகரித்துள்ளது. மாவட்டத்தில் கொரோனாவுக்கு சிகிச்சை பெற்று வந்தவர்களில் 54 பேர் குணமடைந்தனர். இதனால் `டிஸ்சார்ஜ்' ஆனவர்களின் எண்ணிக்கை 28 ஆயிரத்து 117 ஆக உயர்ந்துள்ளது.

இந்த நிலையில் கொரோனாவுக்கு மேலும் 3 பேர் இறந்தனர். இதனால் மாவட்டத்தில் கொரோனாவுக்கு இறந்தவர்களின் எண்ணிக்கை 379 ஆக உயர்ந்துள்ளது. மாவட்டத்தில் கொரோனாவுக்கு தற்போது 348 பேர் சிகிச்சை பெற்று வருகின்றனர்.