பந்தலூரில் கடைகளில் பணம் திருட்டு
பந்தலூரில் கடைகளில் பணம் திருடிய மர்ம நபர்களை போலீசார் தேடிவருகின்றனர்.
பந்தலூர்,
பந்தலூர் தாலுகா மழவன்சேரம்பாடி பகுதியை சேர்ந்தவர் ராஜா. இவர் அதே பகுதியில் மளிகை கடை நடத்தி வருகிறார். இவரது கடை கதவின் பூட்டை நேற்று முன்தினம் இரவில் மர்ம ஆசாமிகள் உடைத்து உள்ளே புகுந்தனர். பின்னர் கடையில் இருந்த 600 ரூபாயை திருடிவிட்டு தப்பி சென்றனர்.
இதேபோன்று கோட்டப்பாடி ஒற்றை லைன்ஸ் பகுதியில் செல்வராஜ் என்பவரது கடை கதவின் பூட்டை உடைத்து 700 ரூபாயை மர்ம ஆசாமிகள் திருடி சென்றனர். இந்த 2 சம்பவங்கள் குறித்து சேரம்பாடி போலீஸ் நிலையத்தில் புகார் அளிக்கப்பட்டு உள்ளது. அதன்பேரில் போலீசார் வழக்குப்பதிவு செய்து, விசாரணை நடத்தி வருகின்றனர்.