மயிலாடுதுறையில் சிறுமியை கடத்திய வாலிபர் கைது

மயிலாடுதுறை,

மயிலாடுதுறை ரெயிலடி பகுதி கங்கைதெரு ஆற்றங்கரையை சேர்ந்த குமார் மகன் அஜித்குமார்(வயது20). இவர் மயிலாடுதுறை பகுதியை சேர்ந்த 14 வயது சிறுமியிடம் ஆசை வார்த்தை கூறி கடந்த 18-ந் தேதி கடத்தி சென்று விட்டார். இதனால் அதிர்ச்சி அடைந்த சிறுமியின் பெற்றோர், மயிலாடுதுறை அனைத்து மகளிர் போலீஸ் நிலையத்தில் புகார் அளித்தனர். 

அதன்பேரில் மகளிர் போலீஸ் இன்ஸ்பெக்டர் சங்கீதா மற்றும் போலீசார் விசாரணை மேற்கொண்டு, அஜீத்குமாரை கைது செய்தனர். பின்னர் மகளிர் போலீசார் அவரிடம் இருந்து சிறுமியை மீட்டு பெற்றோரிடம் ஒப்படைத்தனர். பின்னர் அஜீத்குமாரை கோர்ட்டில் ஆஜர்படுத்தி சிறையில் அடைத்தனர்.