தூத்துக்குடியில் கஞ்சா விற்ற வாலிபர் கைது

தூத்துக்குடி கால்டுவெல் காலனி 4வது தெருவை சேர்ந்தவர் ராமசாமி. இவருடைய மகன் மதன்குமார் (வயது 22). கூலித்தொழிலாளி. இவர் கால்டுவெல் காலனி பகுதியில் வைத்து கஞ்சா விற்பனை செய்து கொண்டு இருந்தாராம். இது குறித்து தகவல் அறிந்த தென்பாகம் சிறப்பு சப்-இன்ஸ்பெக்டர் கதிரேசன் விரைந்து சென்று கஞ்சா விற்பனை செய்து கொண்டு இருந்த மதன்குமாரை கைது செய்தார். அவரிடம் இருந்து 100 கிராம் கஞ்சாவையும் போலீசார் பறிமுதல் செய்தனர்.