அனுமதியின்றி டிரோன் மூலம் படம் பிடித்த 2 பேர் கைது

ஏர்வாடி:

திருக்குறுங்குடி அருகே மலையடிபுதூர் ஊருக்கு மேற்கே மலையடிவார பகுதியில் உள்ள நெல்லித்தோப்பு நம்பியாற்றில் தினசரி ஏராளமானோர் குளித்து செல்வார்கள். இதனை நெல்லித்தோப்பில் 2 பேர் டிரோன் பறக்க விட்டு படங்கள் எடுப்பதாக திருக்குறுங்குடி போலீசாருக்கு ரகசிய தகவல் கிடைத்தது.

அதனையடுத்து போலீஸ் சப்-இன்ஸ்பெக்டர் சிவக்குமார் மற்றும் போலீசார் நெல்லித்தோப்பிற்கு சென்று சோதனையிட்டனர். அப்போது 2 பேர் டிரோன் கேமராவை பறக்க விட்டு படம் எடுத்தது தெரியவந்தது. போலீசார் அவர்களை பிடித்து விசாரணை நடத்தினர். விசாரணையில் அவர்கள் பாளையங்கோட்டை அருகே உள்ள கீழநத்தத்தை சேர்ந்த ஆசீர்பாண்டித்துரை (வயது 40), கீழமுன்னீர்பள்ளத்தை சேர்ந்த முத்துக்குமார் (40) ஆகியோர் என்பதும், அனுமதியின்றி டிரோன் பறக்கவிட்டதும் தெரியவந்தது. இதனைதொடர்ந்து போலீசார் 2 பேரையும் கைது செய்தனர்.