மணல் கடத்திய 3 லாரிகள் பறிமுதல்

ராஜபாளையம்,

ராஜபாளையத்தில் மண்டல துணை வட்டாட்சியர், கிராம உதவியாளர் உள்ளிட்ட அலுவலர்கள் ராஜபாளையம் முடங்கிய சாலையில் வாகன சோதனையில் ஈடுபட்டனர். அப்போது அந்த வழியாக வந்த 3 லாரிகளை நிறுத்தி சோதனை செய்தனர். அதில் அனுமதியின்றி மணல் அள்ளிவந்தது தெரியவந்தது. இதையடுத்து மணலுடன் 3 லாரிகளை பறிமுதல் செய்த அதிகாரிகள் 6 பேர் மீது வழக்குப்பதிவு செய்து விசாரணை நடத்தி வருகின்றனர்.