மணல் கடத்த முயன்ற லாரி பறிமுதல்

குளித்தலை அருகே உள்ள வதியம் பகுதியில் சிலர் லாரியில் மணல் கடத்துவதாக போலீசாருக்கு ரகசிய தகவல் கிடைத்தது. இதன்பேரில் குளித்தலை போலீசார் சம்பவ இடத்திற்கு விரைந்து சென்றனர். அப்போது லாரியில் மணல் ஏற்றிக்கொண்டு இருந்தவர்கள் போலீசாரை கண்டதும் தப்பி ஓடினர். இதையடுத்து, சுமார் 2 யூனிட் மணல் ஏற்றப்பட்ட லாரியை போலீசார் பறிமுதல் செய்து குளித்தலை போலீஸ் நிலையம் அருகே நிறுத்தி வைத்தனர். மேலும் இந்த சம்பவம் குறித்து போலீசார் வழக்குப்பதிவு செய்து விசாரணை நடத்தி வருகின்றனர்.