கோனேரிப்பட்டியில் ரூ.20 லட்சத்துக்கு பருத்தி ஏலம்

தேவூர்:

கோனேரிப்பட்டி தொடக்க வேளாண்மை கூட்டுறவு சங்க வளாகத்தின் பருத்தி விற்பனை சேவை மையத்தில் நேற்று பருத்தி ஏலம் நடந்தது. இதில் நெடுங்குளம் சென்றாயனூர், பாலிருச்சம்பாளையம், காவேரிபட்டி, கொட்டாயூர், தேவூர், கோனேரிப்பட்டி சுற்றுவட்டார பகுதி விவசாயிகள் பருத்தி மூட்டைகளை ஏலத்துக்கு கொண்டு வந்தனர். இந்த ஏலத்தில் நாமக்கல், சேலம், திருப்பூர் உள்ளிட்ட பகுதிகளில் இருந்து வியாபாரிகள் கலந்து கொண்டனர். மொத்தம் 700 பருத்தி மூட்டைகள் ஏலம் விடப்பட்டது. இதில் பி.டி. ரக பருத்தி குறைந்தபட்ச விலையாக குவிண்டாலுக்கு ரூ.7 ஆயிரத்து 299 முதல் அதிகபட்ச விலையாக ரூ.7 ஆயிரத்து 856 வரை ஏலம் போனது. மொத்தம் 700 பருத்தி மூட்டைகள் ரூ.20 லட்சத்துக்கு ஏலம் போனது.