கொலை வழக்கில் மேலும் ஒரு வாலிபர் கைது

சிவகங்கை,ஆக

சிவகங்கை வண்டவாசி ரோடு முத்துநகரை சேர்ந்தவர் இருதயராஜ் (வயது 60). இவரது மனைவி ராணி (58). இவர்களுக்கு ஜோசப் சேவியர் (25), கிறிஸ்டோபர் (20) என்ற 2 மகன்கள் உண்டு. இவர்கள் 2 பேரும் பிலிப்பைன்ஸ் நாட்டில் மருத்துவ படிப்பு படித்து வந்தனர். இருதயராஜூக்கு சொந்தமான பயன்பாடு இல்லாத வீட்டில் கடந்த 25-ந்தேதி சிலர் அமர்ந்து மது குடித்து கொண்டு இருந்தனர். இதை தடடிக் கேட்டபோது கிறிஸ்டோபர், ஜோசப் சேவியர் ஆகிய 2 பேரையும் அந்த கும்பல் கத்தியால் குத்திக் கொலை செய்து விட்டு தப்பி ஓடியது. இதைத் தொடர்ந்து சிவகங்கை டவுன் போலீசார் இந்த இரட்டை கொலை தொடர்பாக வழக்குப்பதிவு செய்து ஏற்கனவே மருதுபாண்டி, நந்தகுமார், வசந்த், பாலாஜி, சரவணன், முரளி ஆகிய 6 பேரை கைது செய்தனர். இந்த நிலையில் இந்த வழக்கு தொடர்பாக போலீசார் தேவகோட்டையை சேர்ந்த ஆனந்த் என்ற அமர் ஆனந்தை (26) கைது செய்தனர். இதன் மூலம் இந்த வழக்கில் 7 பேரும் கைது செய்யப்பட்டனர்.