கொரோனா விழிப்புணர்வு முகாம்

கயத்தாறு:

கயத்தாறில் நகர பஞ்சாயத்து அலுவலக கட்டிடத்தில் கொரோனா விழிப்புணர்வு முகாம் மற்றும் தடுப்பூசி போடும் வழிமுறைகள் குறித்து கூட்டம் நடைபெற்றது. இந்த கூட்டத்திற்கு நகர பஞ்சாயத்து நிர்வாக அலுவலர் பாலசுப்பிரமணியன் தலைமை தாங்கினார். தாசில்தார் பேச்சிமுத்து, டாக்டர் சாய்நரேந்திரன், கயத்தாறு இன்ஸ்பெக்டர் முத்து, சப்-இன்ஸ்பெக்டர் அரிக்கண்ணன், கயத்தாறு வருவாய் ஆய்வாளர் நேசமணி, கிராம நிர்வாக அலுவலர் கலைச்செல்வி, வட்டார மருத்துவ அலுவலர் கணேசன், கயத்தாறு வியாபாரி சங்க தலைவர் கொண்டால்சாமி, பொருளாளர் ராமகிருஷ்ணன், செயலாளர் காசீம் மற்றும் பலர் கலந்து கொண்டனர்.

கொரோனா தடுப்பூசி போட வலியுறுத்த வேண்டும், என இந்த கூட்டத்தில் அறிவுறுத்தப்பட்டது. இதற்கான அனைத்து ஏற்பாடுகளையும் கயத்தாறு நகர பஞ்சாயத்து செயல் அலுவலர் கணேசன் செய்திருந்தார்.