திருக்கோவிலூர் அருகே தொழிலாளி வீட்டில் 5 பவுன் நகைகள் திருட்டு

திருக்கோவிலூர்

திருக்கோவிலூர் அருகே உள்ள டி.தேவனூர் கிராமம் புதுநகர் குமாரசாமி தெருவை சேர்ந்தவர் வெங்கடேசன்(வயது 45). தொழிலாளியான இவர் திருப்பூரில் தங்கி இருந்து பனியன் கம்பெனியில் வேலை பார்த்து வருகிறார். 

இந்த நிலையில் கடந்த 25-ந் தேதி உறவினர் இறந்த செய்தி கேட்டு ஊருக்கு வந்த வெங்கடேசன் தனது வீட்டை பூட்டி விட்டு குடும்பத்துடன் மூக்கனூர் கிராமத்துக்கு சென்றார். அப்போது மர்மநபர்கள் வெங்கடேசனின் வீட்டில் புகுந்து பீரோவில் இருந்த நெக்லஸ், 2 தங்க சங்கிலி என 5 பவுன் நகைகளை திருடிச்சென்று விட்டனர். இதன் மதிப்பு ரூ.1¾ லட்சம் என கூறப்படுகிறது.  இது குறித்து வெங்கடேசன் கொடுத்த புகாரின் பேரில் அரகண்டநல்லூர் போலீசார் வழக்கு பதிவுசெய்து நகைகளை திருடிச்சென்ற மர்ம நபர்களை வலைவீசி தேடி வருகிறார்கள்.