மாடு மீது மோட்டார் சைக்கிள் மோதல்; முதியவர் பலி

கீரனூர் முஸ்லிம் தெருவை சேர்ந்தவர் முகம்மது மன்சூர் (வயது 63). இவர், நேற்று முன்தினம் இரவு தனது மோட்டார் சைக்கிளில் திருச்சி சாலையில் சென்று கொண்டிருந்தார். அப்போது, அப்பகுதி இருட்டாக இருந்ததால் நடுரோட்டில் நின்று கொண்டிருந்த மாட்டின் மீது எதிர்பாராதவிதமாக மன்சூர் ஓட்டி சென்ற மோட்டார் சைக்கிள் மோதியது. இதில் பலத்த காயமடைந்த அவரை அக்கம் பக்கத்தினர் மீட்டு சிகிச்சைக்காக கீரனூர் அரசு மருத்துவமனைக்கு அனுப்பி வைத்தனர். பின்னர் மேல்சிகிச்சைக்காக திருச்சி அரசு மருத்துவமனைக்கு கொண்டு சென்றனர். ஆனால் செல்லும் வழியிலேயே முகம்மது மன்சூர் பரிதாபமாக இறந்தார். இதுகுறித்து கீரனூர் போலீசார் வழக்குப்பதிவு செய்து விசாரணை நடத்தி வருகின்றனர்.