குளத்தில் பெண் பிணம்

திண்டுக்கல் : 

திண்டுக்கல் மாவட்டம் வடமதுரை அருகே உள்ள வெள்ளபொம்மன்பட்டி செட்டிசின்னான் குளத்தில் நேற்று பெண் ஒருவர் பிணமாக மிதந்தார். இதுகுறித்து தகவலறிந்த வடமதுரை போலீசார் சம்பவ இடத்துக்கு வந்து பெண்ணின் உடலை கைப்பற்றி விசாரணை நடத்தினர். 

அந்த பெண் சுமார் 45 வயது உடையவராக இருந்தார். பின்னர் அவருடைய உடலை பிரேத பரிசோதனைக்காக திண்டுக்கல் அரசு மருத்துவமனைக்கு போலீசார் அனுப்பி வைத்தனர். அவர் யார்? எந்த ஊரை சேர்ந்தவர்? என்பது குறித்து போலீசார் வழக்குப்பதிவு விசாரித்து வருகின்றனர்.