செம்பரம்பாக்கம் ஏரியில் ஆண் பிணம் மீட்பு

பூந்தமல்லி,

செம்பரம்பாக்கம் ஏரியில் ஆண் ஒருவர் பிணமாக மிதப்பதாக வந்த தகவலின்பேரில் குன்றத்தூர் போலீசார் சம்பவ இடத்துக்கு விரைந்தனர். இதுபற்றி தகவல் அறிந்துவந்த பூந்தமல்லி தீயணைப்பு நிலைய வீரர்கள், ஏரியில் மிதந்த 50 வயது மதிக்கத்தக்க ஆணின் உடலை மீட்டு கரைக்கு கொண்டு வந்தனர்.

ஆண் உடலை கைப்பற்றி பிரேத பரிசோதனைக்காக குரோம்பேட்டை அரசு ஆஸ்பத்திரிக்கு அனுப்பி வைத்த போலீசார், பிணமாக கிடந்தவர் யார்?. எந்த பகுதியை சேர்ந்தவர்?. ஏரியில் குளிக்கும்போது ஆழமான பகுதிக்கு சென்றதால் நீரில் மூழ்கி இறந்தாரா? அல்லது குடிபோதையில் ஏரியில் தவறி விழுந்து இறந்தாரா? என பல்வேறு கோணங்களில் விசாரித்து வருகின்றனர்.