கூடூர் ஊராட்சியில் நாரணமங்கலம்-தப்பளாம்புலியூர் இடையே ரூ.2¼ கோடியில் தார்ச்சாலை

விளமல், 

திருவாரூர் ஒன்றியம் கூடூர் ஊராட்சியில் ஊராட்சி மன்ற தலைவர் விஜயலட்சுமி குமார் தலைமையில் பல்வேறு வளர்ச்சி பணிகள் நடைபெற்று வருகின்றன. அதன்படி நாரணமங்கலம் திருவாச குளத்தில் 2 படித்துறை கட்டப்பட்டு உள்ளது. மொச குளம் பகுதியில் இருந்து கீழத்தெரு வரை 1.5 கிலோ மீட்டருக்கு ரூ.28 லட்சம் மதிப்பில் தார்ச்சாலை அமைக்கப்பட்டு உள்ளது. கூடூர் மாரியம்மன் கோவில் தெருவில் ரூ.6.86 லட்சத்திலும், நாரணமங்கலத்தில் இருந்து தப்பளாம்புலியூர் வரை 4 கிலோமீட்டர் தூரத்துக்கு ரூ.2.36 கோடி மதிப்பீட்டிலும் தார்ச்சாலை அமைக்கப்பட்டு உள்ளது. அதேபோல் ஊராட்சி பகுதியில் 4 இடங்களில் உயர் கோபுர மின் விளக்குகள் ரூ.12 லட்சம் செலவிலும் அமைக்கப்பட்டு உள்ளது. அதேபோல கொரோனா தடுப்பூசி முதல் தவணை 200 பேருக்கு செலுத்தப்பட்டு உள்ளதாக ஊராட்சி மன்ற தலைவர் தெரிவித்தார்.