சூதாடிய 4 பேர் கைது

ராஜபாளையம், 

ராஜபாளையம் வடக்கு மலையடிப்பட்டியில் சூதாட்டத்தில் சிலர் ஈடுபடுவதாக வந்த ரகசிய தகவலையடுத்து வடக்கு போலீசார் திடீர் சோதனை மேற்கொண்டனர். இதில் வடக்கு மலையடிப்பட்டி முனிசிபல் காலனியில் சுந்தரம் (வயது 33), வெங்கடேஷ் என்ற சோனா (36), முனியாண்டி (37), பரஞ்சோதி (64) ஆகியோர் பணம் வைத்து சூதாடிக்கொண்டிருந்தது தெரியவந்தது. இதையடுத்து அவர்களை கைது செய்த போலீசார் அவர்களிடம் இருந்து ரூ.9 ஆயிரத்தை பறிமுதல் செய்தனர்.