மொபட்டில் மணல் திருடியவர் கைது

கரூர் பசுபதிபாளையம் போலீஸ் சப்-இன்ஸ்பெக்டர் சந்திரசேகர் தலைமையிலான போலீசார் ரோந்து பணியில் ஈடுபட்டிருந்தனர். அப்போது மேலப்பாளையம் அருகே உள்ள அமராவதி ஆற்றுப்பகுதியில் இருந்து வந்த ஒரு மொபட்டை நிறுத்தி போலீசார் சோதனை செய்தனர். அப்போது அதில் அமராவதி ஆற்றுப்பகுதியில் இருந்து ஜோதி (வயது 45) என்பவர் மூட்டையில் மணலை திருடி வந்தது தெரியவந்தது. இதையடுத்து அவரை போலீசார் கைது செய்து, மணலுடன் மொபட்டையும் பறிமுதல் செய்தனர்.