காங்கேயம் பகுதியில் கஞ்சா விற்ற பெண் உள்பட 2 பேர் குண்டர் தடுப்புச் சட்டத்தின் கீழ் கைது செய்யப்பட்டனர்.
காங்கேயம் பகுதியில் கஞ்சா விற்ற பெண் உள்பட 2 பேர் குண்டர் தடுப்புச் சட்டத்தின் கீழ் கைது செய்யப்பட்டனர்.
காங்கேயம்,
காங்கேயம் பகுதியில் கஞ்சா விற்ற பெண் உள்பட 2 பேர் குண்டர் தடுப்புச் சட்டத்தின் கீழ் கைது செய்யப்பட்டனர்.
இது குறித்து போலீஸ் தரப்பில் கூறப்படுவதாவது:-
கஞ்சா விற்பனை
திருப்பூர் மாவட்டம் காங்கேயம் போலீஸ் நிலைய எல்லைக்குட்பட்ட பகுதியில் கடந்த 3 வாரங்களுக்கு முன்பு கஞ்சா விற்பனை செய்யப்படுவதாக காங்கேயம் போலீசாருக்கு ரகசிய தகவல் கிடைத்தது.
இதையடுத்து காங்கேயம் பகுதியில் போலீசார் நடத்திய சோதனையில் காங்கேயத்தில் கஞ்சா விற்ற காங்கேயம் திரு.வி.க.நகரை சேர்ந்த ஜெயலட்சுமி (வயது 47), கவாஸ்கர் (31) ஆகிய 2 பேரையும் காங்கேயம் போலீசார் கைது செய்து சிறையில் அடைத்தனர்.
குண்டர் சட்டத்தில் கைது
விசாரணையில் ஜெயலட்சுமி, கவாஸ்கர் ஆகிய 2 பேரும் பழனி மற்றும் சேலம் பகுதிகளிலும் கஞ்சா விற்பனையில் ஈடுபட்டது தெரியவந்தது. இதையடுத்து திருப்பூர் மாவட்ட போலீஸ் சூப்பிரண்டு சசாங் சாய் பரிந்துரையின் பேரில், திருப்பூர் மாவட்ட கலெக்டர் வினீத் கஞ்சா விற்ற 2 பேரையும், குண்டர் தடுப்பு சட்டத்தின் கீழ் சிறையில் அடைப்பதற்கான உத்தரவை நேற்று பிறப்பித்தார்.
இதன்படி கோவை மத்திய சிறையில் இருந்த ஜெயலட்சுமி மற்றும் கவாஸ்கரிடம் காங்கேயம் போலீஸ் இன்ஸ்பெக்டர் மணிகண்டன் மற்றும் போலீசார் குண்டர் தடுப்பு சட்டத்தில் சிறையில் அடைப்பதற்கான உத்தரவை வழங்கினார்கள்.