மானூர் அருகே வீடு புகுந்து நகை, பணம் திருட்டு

மானூர்:

மானூர் அருகே நாஞ்சான்குளத்தைச் சேர்ந்தவர் நல்லையா மனைவி செல்லத்தாய் (வயது 64). இவர் கடந்த சில நாட்களுக்கு முன்பு சென்னையில் உள்ள தனது மகனின் வீட்டுக்கு சென்றார். இந்த நிலையில் செல்லத்தாயின் வீட்டில் ஆட்கள் இல்லாததை நோட்டமிட்ட மர்மநபர்கள் சம்பவத்தன்று நள்ளிரவில் அவரது வீட்டு கதவின் பூட்டை உடைத்து உள்ளே புகுந்தனர். பின்னர் அங்கிருந்த பீரோவை உடைத்து, அதில் இருந்த 2½ பவுன் தங்க நகை மற்றும் ரூ.10 ஆயிரத்தை திருடிச் சென்று உள்ளனர்.  இதுகுறித்த புகாரின்பேரில், மானூர் போலீசார் வழக்குப்பதிவு செய்து, வீடு புகுந்து நகை, பணத்தை திருடிய மர்மநபர்களை வலைவீசி தேடி வருகின்றனர்.