குலசேகரன்பட்டினம் அருகே புகையிலை பொருட்கள் வைத்திருந்தவர் கைது

குலசேகரன்பட்டினம் போலீஸ் சப்-இன்ஸ்பெக்டர் ராஜன்மற்றும் போலீசார் கல்லாமொழி பகுதியில் ரோந்து சென்றனர். அப்போது  கடையம் வீர சமுத்திரம் தெற்குத்தெரு பீர்மொஹம்மது மகன் ஜமால் முகைதீன் (வயது 40) என்பவர் தடைசெய்யப்பட்ட புகையிலை பொருட்கள் வைத்திருந்தார். அவரிடம் இருந்த புகையிலை பொருட்களை போலீசார் பறிமுதல் செய்தனர். இது தொடர்பாக குலசேகரன்பட்டினம் போலீசார் வழக்குப்பதிவு செய்து, ஜமால் முகைதீனை கைது செய்தனர்.