நாய்கள் கடித்து புள்ளி மான் சாவு

காரையூர் அருகே உள்ள சுந்தம்பட்டி வனப்பகுதியில் நாய்கள் கடித்து புள்ளி மான் ஒன்று செத்து கிடப்பதாக வனத்துறைக்கு தகவல் கிடைத்துள்ளது. தகவலின் பேரில், வனவர் செல்வேந்திரன், ஆலவயல் கால்நடை மருத்துவர் ராஜசேகர் ஆகியோர் சம்பவ இடத்திற்கு சென்று பார்த்தபோது புள்ளிமான் இறந்து கிடந்தது தெரியவந்தது. இதனையடுத்து புள்ளிமானின் உடலை மீட்டு, கால்நடை மருத்துவர் மூலம் உடற்கூறு ஆய்வு செய்யப்பட்டு, கொப்பனா பட்டி வனச்சரக அலுவலகம் அருகே புதைக்கப்பட்டது.