நெகமம்
நெகமத்தை அடுத்த போளிகவுண்டன்பாளையத்தை சேர்ந்தவர் ராஜசேகர் (வயது 65). கூலி தொழிலாளி. இவர் தனது இருசக்கர வாகனத்தில் தாராபுரம் ரோட்டில் உள்ள பெட்ரோல் பங்கிற்கு சென்று கொண்டிருந்தார்.
அப்போது தாராபுரத்தில் இருந்து பொள்ளாச்சி நோக்கி அதிவேகமாக வந்த கார் ராஜசேகர் ஓட்டி சென்ற இருசக்கர வாகனம் மீது பயங்கரமாக மோதியது.
இதில் தூக்கிவீசப்பட்ட ராஜசேகர் படுகாயம் அடைந்தார். அருகில் இருந்தவர்கள் அவரை மீட்டு கோவை அரசு மருத்துவமனைக்கு கொண்டு சென்றனர். ஆனால் அங்கு சிகிச்சை பலனின்றி ராஜசேகர் பரிதாபமாக உயிரிழந்தார்.
இதுகுறித்து நெகமம் போலீசார் வழக்குப்பதிவு செய்து விசாரணை நடத்தி வருகின்றனர்.