நீடாமங்கலம் அருகே கூரை வீடு தீயில் எரிந்து நாசம்

நீடாமங்கலம், 

நீடாமங்கலம் அருகே பூவனூர் பாலம் பகுதியில் முருகன் (வயது43) என்பவருக்கு சொந்தமான கூரை வீடு நேற்று முன்தினம் இரவு திடீரென தீப்பிடித்து எரிந்தது. இதை அறிந்த நீடாமங்கலம் தீயணைப்பு நிலைய அலுவலர் கார்த்திகேயன் தலைமையிலான வீரர்கள் அங்கு விரைந்து சென்று தீயை அணைத்தனர். இதில் கூரை வீடு முற்றிலும் எரிந்து நாசமானது. வீட்டில் இருந்த கட்டில், பீரோ மற்றும் பாத்திரங்கள் என மொத்தம் ரூ.50 ஆயிரம் மதிப்புள்ள பொருட்கள் சேதம் அடைந்தன. தீ விபத்துக்கான காரணம் குறித்து நீடாமங்கலம் போலீசார் விசாரணை நடத்தி வருகிறார்கள்.