விபத்தில் தொழிலாளி பலி

சாத்தூர், 

விருதுநகர் ராஜலெட்சுமி தியேட்டர் தெருவை சேர்ந்தவர் துரைப்பாண்டி (வயது 48). தொழிலாளி. இவர் பந்தல்குடியில் உள்ள உறவினர் இறுதிச்சடங்கிற்கு சென்று விட்டு அங்கிருந்து இவர் தனது இருசக்கர வாகனத்தில் வந்து கொண்டு இருந்தார். அப்போது ஆர்.ஆர்.நகர் - பந்தல்குடி செல்லும் சாலையில் உள்ள ஒரு மின்கம்பத்தில் எதிர்பாராதவிதமாக இவர் சென்ற இருசக்கர வாகனம் மோதியது. இதில்  துரைப்பாண்டி சம்பவ இடத்திலேயே பரிதாபமாக உயிரிழந்தார். இதுகுறித்து தகவல் அறிந்து சம்பவ இடத்திற்கு வந்த அப்பையநாயக்கன்பட்டி போலீசார் துரைப்பாண்டியின் உடலை கைப்பற்றி விருதுநகர் அரசு மருத்துவமனைக்கு பிரேத பரிசோதனைக்கான அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.