மதுராந்தகம் அரசு பள்ளியில் எம்.எல்.ஏ. ஆய்வு

மதுராந்தகம்,

செங்கல்பட்டு மாவட்டம் மதுராந்தகம் அடுத்த கருங்குழி மேலவளம் அரசினர் மேல்நிலைப் பள்ளியில் மதுராந்தகம் எம்.எல்.ஏ. மரகதம் குமரவேல் திடீர் ஆய்வு செய்தார். அப்போது பள்ளி கட்டிடங்களை ஆய்வு செய்த அவர், பள்ளியில் மாணவர்கள் சேர்க்கை, பள்ளி நோட்டுப் புத்தகங்கள் வழங்குவது குறித்தும், தலைமை ஆசிரியரிடம் விளக்கங்களை கேட்டு அறிந்தார்.

பின்னர் பள்ளி மாணவர்களுக்கு நோட்டு புத்தகங்களை வழங்கினார். பள்ளிக்கு தேவையான அனைத்து உதவிகளையும் செய்வதாக அவர் வாக்குறுதி அளித்தார். அப்போது ஒன்றிய செயலாளர் அப்பாதுரை, கருங்குழி பேரூராட்சி செயலாளர் பழனி, நிர்வாகிகள் உமாசங்கர், ரவிச்சந்திரன், விநாயகம், மற்றும் தலைமை ஆசிரியர் (பொறுப்பு) ஜோதி உள்ளிட்ட பலர் உடனிருந்தனர்.