ஒழுங்குமுறை விற்பனை கூடத்தில் தேங்காய் ஏலம்

வாடிப்பட்டி,ஜூன்

வாடிப்பட்டி அருகே ஆண்டிப்பட்டி ஊராட்சியில் தமிழ்நாடு வேளாண் விற்பனை மற்றும் வணிக துறைக்குட்பட்ட ஒழுங்குமுறை விற்பனை கூடத்தில் மட்டையுடன் கூடிய தேங்காய் மறைமுக ஏலம் நடந்தது. இந்த ஏலத்திற்கு விற்பனைக்குழு கண்காணிப்பாளர் வெங்கடேஷ் தலைமை தாங்கினார். இதில் 26 விவசாயிகள் 1 லட்சத்து 22 ஆயிரத்து 119 தேங்காய்களை 36 குவியல்களாக வைத்திருந்தனர். இந்த ஏலத்தில் 11 வியாபாரிகள் கலந்து கொண்டு அதிகபட்ச விலையாக ரூ.14.05-க்கும், குறைந்த பட்சமாக ரூ.8.52-க்கும், சராசரியாக ரூ.10.03-க்கும் ஏலம் எடுத்தனர். இதனால் ரூ.12.22 லட்சத்திற்கு வியாபாரம் நடந்தது. அதற்குரிய வங்கி காசோலை உடனடியாக பெற்று விவசாயிகளிடம் ஒப்படைக்கப்பட்டது. அதே போல் 4 விவசாயிகளின் 114.25 கிலோ கொப்பரை தேங்காயை 5 வியாபாரிகள் ரூ.91-க்கு ஏலம் எடுத்தனர்.