கூத்தாநல்லூரில் கொரோனா தடுப்பு ஆற்றல் கண்டறியும் பரிசோதனை

கூத்தாநல்லூர்:-

கூத்தாநல்லூர் நகராட்சி பகுதியில் மக்களிடையே, கொரோனா தடுப்பு ஆற்றல் எவ்வாறு உள்ளது? என கண்டறியும் ‘ஆன்டிபாடி’  பரிசோதனை நடந்தது. டாக்டர் யுவராஜ் தலைமையிலான மருத்துவ குழுவினர் இந்த பரிசோதனைகளை மேற்கொண்டனர். கூத்தாநல்லூர், மேல்கொண்டாழி தீன் நகரில் 4 பேர் கொரோனா தொற்றால் பாதிக்கப்பட்டுள்ளதால், அப்பகுதியில் 30 பேருக்கு ரத்த மாதிரி எடுக்கப்பட்டது. இந்த பரிசோதனையின் போது கூத்தாநல்லூர் சுகாதார ஆய்வாளர் அருண்குமார், மேற்பார்வையாளர் வாசுதேவன், அண்ணாமலை மற்றும் தூய்மை இந்தியா திட்ட பணியாளர்கள், அங்கன்வாடி பணியாளர்கள் உடன் இருந்தனர்.