நீலகிரியில் கொரோனாவுக்கு 2 பேர் பலி

ஊட்டி

நீலகிரி மாவட்டத்தில் நேற்று புதிதாக 118 பேருக்கு கொரோனா வைரஸ் உறுதி செய்யப்பட்டது. இதன் மூலம் கொரோனா பாதிப்பு எண்ணிக்கை 28 ஆயிரத்து 104 ஆக அதிகரித்து உள்ளது. நேற்று மேலும் 155 பேர் பூரண குணமடைந்து வீடு திரும்பினர்.  இதன் மூலம் 27 ஆயிரத்து 244 பேர் பூரண குணமடைந்து வீடு திரும்பி உள்ளனர். 

நேற்று தொற்று பாதித்து சிகிச்சை பெற்று வந்த 2 பேர் உயிரிழந்தனர். இதுவரை 160 பேர் இறந்தனர். தற்போது 700 பேர் மருத்துவமனைகளில் அனுமதிக்கப்பட்டு சிகிச்சை பெற்று வருகின்றனர். மொத்தமுள்ள 340 ஆக்சிஜன் படுக்கைகளில் 173 படுக்கைகள் நிரம்பி உள்ளது. 167 படுக்கைகள் காலியாக இருக்கிறது.