மின்சாரம் தாக்கி கேபிள் டி வி ஆபரேட்டர் பலி

கச்சிராயப்பாளையம்

கச்சிராயப்பாளையம் அருகே உள்ள வடக்கநந்தல் கிராமத்தைச் சேர்ந்தவர் சுரேஷ்(வயது 40). கேபிள் டி.வி. ஆபரேட்டரான இவர் விவசாயமும் செய்து வந்தார். ஜெயவாணி என்ற மனைவியும், வசீகரன்(19) என்ற மகனும், ஸ்வேதா(15) என்ற மகளும் உள்ளனர்.

இந்த நிலையில் சுரேஷ் திடீர்குப்பம் பகுதியில் உள்ள தனது பாக்கு தோப்புக்கு தண்ணீர் பாய்ச்சுவதற்காக நடந்து சென்றார். அப்போது எதிர்பாராமல் வழியில் அறுந்து கிடந்த மின்கம்பியை அவர் மிதித்துவிட்டார். இதில் மின்சாரம் தாக்கி சுரேஷ் சம்பவ இடத்திலேயே பரிதாபமாக இறந்தார். இது குறித்து ஜெயவாணி கொடுத்த புகாரின் பேரில் கச்சிராயப்பாளையம் போலீசார் வழக்கு பதிவுசெய்து விசாரணை நடத்தி வருகிறார்கள்.