தூத்துக்குடியில் பிரபல ரவுடி குண்டர் சட்டத்தில் கைது

கோவில்பட்டி போஸ் நகரை சேர்ந்த மாணிக்கவாசகம் மகன் கணேசன் என்ற குடஞ்சான் கணேசன் (வயது 27). இவரை கோவில்பட்டி மேற்கு போலீசார் கொலை மிரட்டல் வழக்கில் கைது செய்தனர். மேலும் கணேசன் என்ற குடஞ்சான் கணேசன் மீது கொலை முயற்சி, கொலை மிரட்டல் உட்பட 19 வழக்குகள் உள்ளன.

இதைத்தொடர்ந்து கணேசனை குண்டர் தடுப்பு சட்டத்தின் கீழ் கைது செய்ய மாவட்ட போலீஸ் சூப்பிரண்டு ஜெயக்குமார் பரிந்துரை செய்தார். அதன்பேரில் மாவட்ட கலெக்டர் செந்தில்ராஜ் குண்டர் தடுப்பு சட்டத்தின் கீழ் கணேசன் என்ற குடைஞ்சான் கணேசனை கைது செய்ய உத்தரவிட்டார். இந்த உத்தரவு நகலை போலீஸ் இன்ஸ்பெக்டர் சபாபதி, பாளையங்கோட்டை ஜெயிலில் வழங்கினார்.