கொத்தடிமையாக இருந்த சலவை தொழிலாளி மனைவி, 4 குழந்தைகள் மீட்பு

சிவகங்கை மாவட்டம் காளையார்கோவிலை அடுத்த என்.நெடுங்குளத்தில் 10 வயது சிறுவன் ஒருவன் கொத்தடிமையாக ஆடு மேய்க்கும் வேலை பார்ப்பதாக மாவட்ட குழந்தைகள் நலக்குழுவின் தலைவர் சரளா, மாவட்ட குழந்தைகள் நலக்குழு உறுப்பினர் ஜீவானந்தம் ஆகியோருக்கு தகவல் கிடைத்தது. இதை தொடர்ந்து அவர்கள் அங்கு சென்று பார்த்த போது சிவகங்கையை அடுத்த பில்லூர் கிராமத்தை சேர்ந்த சங்கையா (வயது 45) என்பவரின் 10 வயது சிறுவன் கொத்தடிமையாக ஆடு மேய்க்கும் தொழில் செய்து வருவது தெரிய வந்தது.
இது குறித்து அவர்கள் கலெக்டர் மதுசூதன்ரெட்டிக்கு தகவல் கொடுத்தனர். பின்னர் அவரது உத்தரவின் பேரில் சிவகங்கை கோட்டாட்சியர் முத்துகழுவன், தொழிலாளர் நல உதவி ஆணையாளர் மற்றும் குழந்தை நல குழுவினர் அங்கு சென்று அங்கிருந்த சங்கையா (45), அவரது மனைவி காளீஸ்வரி(35), 8 வயது, 1 வயது மகள்கள், 6 வயது சிறுவன் ஆகியோரை மீட்டனர்.
பின்னர் அவர்களை சிவகங்கையில் உள்ள காப்பகத்தில் தங்க வைத்தனர். அவர்களுக்கு சிவகங்கை கோட்டாட்சியர் முத்துகழுவன் கொத்தடிமையில் இருந்து மீட்கப்பட்டதற்கான உத்தரவையும் ரூ.20 ஆயிரம் உதவி தொகையையும் வழங்கினார்.
இது குறித்து கோட்டாட்சியர் முத்துகழுவன் கூறியதாவது:-
ரூ.50 ஆயிரத்துக்காக...
சிவகங்கை தாலுகா பில்லூர் கிராமத்தைச் சேர்ந்த .சங்கையா(45), சலவை தொழிலாளியான இவருக்கு காளீஸ்வரி (35) என்ற மனைவியும், 2 மகன்களும், 2 மகள்களும் உள்ளனர்.
பின்னர் என்.நெடுங்குளத்தில் வசிக்கும் காந்தியின் உறவினரான சுப்பிரமணி என்பவரிடம் சங்கையாவின் மூத்த மகனான குகன்ராஜை பெற்றோரின் சம்மதமில்லாமல் செம்மறி ஆடு மேய்க்கும் தொழிலுக்கு கொத்தடிமையாக அனுப்பியுள்ளார்.
அவர்கள் கடந்த 2½ ஆண்டுகளாக சம்பளம் இன்றி கொத்தடிமை தொழிலாளர்களாக இருப்பது விசாரணையில் தெரியவந்தது. இதைதொடர்ந்து அவர்கள் மீட்கப்பட்டு காப்பகத்தில் ஒப்படைக்கப்பட்டுள்ளனர். அத்துடன் அவர்களுக்கு தொழில் தொடங்க தேவையான சலவைபெட்டி மற்றும் குடியிருக்க வீடும் கலெக்டரின் உத்தரவின் பேரில் வழங்கப்படவுள்ளது.
இந்த சம்பவம் தொடர்பாக கே.கே.பள்ளம் கிராம நிர்வாக அலுவலர் செல்வகுமார் கொடுத்த புகரின் பேரில் மானாமதுரை சிப்காட் போலீசார் வழக்கு பதிவு செய்து விசாரணை நடத்தி வருகின்றனர்.
இது தொடர்பாக காந்தி, சுப்பிரமணி ஆகிய 2 பேர் கைது செய்யப்பட்டனர்.