மோட்டார் சைக்கிளில் மது கடத்தியவர் கைது

திசையன்விளை:

உவரி போலீஸ் இன்ஸ்பெக்டர் செல்வி மற்றும் போலீசார் நேற்று வாகன சோதனையில் ஈடுபட்டனர். அப்போது அந்த வழியாக மோட்டார் சைக்கிளில் வந்த ஆத்தங்கரைபள்ளிவாசல் கீழத்தெருவை சேர்ந்த கிறிஸ்டோபர் (வயது 50) என்பவரை நிறுத்தி சோதனை செய்தனர். அவர் மதுக்கடையில் 50 மதுபாட்டில்களை வாங்கி சாக்குப்பையில் வைத்து கடத்தி சென்றது தெரியவந்தது. அவரை போலீசார் கைது செய்து மது பாட்டில்கள் மற்றும் மோட்டார் சைக்கிளையும் பறிமுதல் செய்தனர்.