ரோட்டில் நடந்து சென்ற பெண்ணிடம் 4 பவுன் நகை பறிப்பு
ரோட்டில் நடந்து சென்ற பெண்ணிடம் 4 பவுன் நகையை பறித்துச் சென்ற 2 பேரை போலீசார் தேடி வருகின்றனர்.
மதுரை,ஜூன்.
மதுரை எஸ்.ஆலங்குளம் ராமலிங்காநகர் 2-வது தெருவை சேர்ந்தவர் லிங்கேஸ்வரி (வயது 34). சம்பவத்தன்று இவர் கடைக்கு சென்று விட்டு வீட்டிற்கு நடந்து சென்றார். அப்போது மோட்டார் சைக்கிளில் வந்த 2 பேர் திடீரென்று லிங்கேஸ்வரி கழுத்தில் அணிந்திருந்த 4 பவுன் நகையை பறித்து கொண்டு தப்பி விட்டனர். இது குறித்த புகாரின் பேரில் கூடல்புதூர் போலீசார் வழக்குப்பதிவு செய்து விசாரணை நடத்தி வருகிறார்கள்.